Мөнгө угаах, терроризмыг санхүүжүүлэхтэй тэмцэх ахисан түвшний болон CAMS® сертификатын шалгалтанд бэлтгэх сургалт болно.
Банк Санхүүгийн Академийн хамтрагч байгууллага “House of Training” – аас “Anti Money Laundering & Counter-Terrorist Financing (AML & CTF) Advanced Level & Preparation course to the CAMS certification exam” хөтөлбөр зарлагдлаа.
Салбарын тэргүүлэх мэргэжилтнүүд удирдан явуулах уг хөтөлбөр нь ирэх 2025 оны 2 болон 10 дугаар сард цахимаар зохион байгуулагдана.
Тус сургалт болон шалгалт нь цахимаар, англи хэл дээр орчуулгагүйгээр явагдах тул бүртгүүлэх оролцогчид англи хэлний ахисан түвшний мэдлэгтэй байх шаардлагатай.
Сургалтад оролцогчид:
Сургалтад бүртгүүлэгчид AML болон терроризмоос урьдчилан сэргийлэх үндсэн зарчмуудын талаар суурь мэдлэгтэй байх шаардлагатай (“AML & TF: анхан шатны түвшний мэдлэгтэй, эсвэл түүнтэй адилтгах сургалтад хамрагдсан байх)
Арилжааны банк, санхүүгийн байгууллагын ажилтнууд:
- Банк, санхүүгийн байгууллагуудын AML/ CTF хариуцсан ахлах ажилтнууд;
- Үйлчлүүлэгчидтэй тогтмол харилцдаг болон AML-ийн талаар суралцах хүсэлтэй ахлах харилцааны менежерүүд хамрагдах боломжтой.
Төв банкны ажилтнууд болон хяналтын байгууллагын ажилтнууд:
- AML/CTF хариуцан ажилдаг ахлах ажилтнууд
House of Training нь хамтран ажиллагч улс, байгууллагуудаас нийтдээ 16 оролцогч сонгон сургалтад хамруулах тул Та оролцохоор бүртгүүлэх бол бүртгэлийн форм болон CV-гээ чанартай бөглөж бүртгүүлээрэй.
Сургалтын хуваарь:
Сургалт 2025 онд нийт 2 удаа явагдана.
- 2025.02.17 – 2025.02.21-ний өдрүүдэд,
- 2025.10.06 – 2025.10.10-ны өдрүүдэд.
Сургалтын төлбөр:
Сургалтад бүртгүүлэхэд үнэ төлбөргүй.
Люксембургийн Сангийн яам нь дараах зардлуудыг төлнө:
- Сургалтын төлбөр
- Сургагч багш ба менежментийн төлбөр
- Сургалтын материал
- Шалгалтын төлбөр
*Сургалтад хамрагдсан оролцогч ACAMS шалгалтыг заавал өгсөн байх шаардлагатай бөгөөд хэрвээ шалгалтаа өгөөгүй тохиолдолд шалгалтын төлбөрийг “House of Training” байгууллагад нөхөн төлөх шаардлагатай болно.
Харин сонгогдсон оролцогч дараах зардлыг төлнө:
- БСА-д зохион байгуулалтын төлбөр – 400,000₮
- Хөтөлбөрт сонгогдон оролцохоор болсон тохиолдолд нэмэлтээр – 5 өдөр х 80 евро = 400 евро
- ACAMS жилийн гишүүнчлэлийн хураамж – 224 евро.
Сургалтад бүртгүүлэх:
Сургалтад суух хүн хамгийн багадаа 40 ACAMS оноотой байх шаардлагатай бөгөөд ACAMS Eligibility Calculator холбоосоор орж оноогоо тооцох боломжтой:
Хөтөлбөрт хамрагдах хүсэлтэй оролцогчид 2025 оны 01 дүгээр сарын 09-ний өдрийн 10:00 цагаас өмнө бүртгүүлж, анкет илгээсэн байна.
Хөтөлбөрт бүртгүүлэх бол https://e.bfa.mn системд өөрийн бүртгэлээ үүсгэсний дараа сургалтаа сонгож, бүртгүүлэх товчийг дарна уу.
Та бүхнийг энэхүү хөтөлбөрт хамрагдаж, олон улсын шилдэг туршлагаас суралцахыг урьж байна.
