Банк санхүүгийн салбарын ажилтнуудын мэдлэг, ур чадварыг олон улсын түвшинд хүргэхэд манлайлах замаар гишүүд, хэрэглэгчид, ажилтнуудад үр шимийг хүртээнэ.
Банк санхүүгийн салбарт сургалт, судалгаа, зөвлөх үйлчилгээгээр олон улсад хүлээн зөвшөөрөгдсөн академи болно.
Банк санхүүгийн салбарын ажилтнуудын мэдлэг, ур чадварыг олон улсын түвшинд хүргэхэд манлайлах замаар гишүүд, хэрэглэгчид, ажилтнуудад үр шимийг хүртээнэ.
Банк Санхүүгийн Академи буюу “Мэдлэггүүр” ХХК-ийг 2011 оны 12 сарын 28-ны өдрийн 756/11/15 тоот Монголбанкны ерөнхийлөгч Л.Пүрэвдорж, Монголын банкны холбооны ерөнхийлөгч М.Болд нарын хамтарсан тушаалаар Монголбанкны дэргэдэх Банкны Сургалтын Төвийг нэгтгэх шийдвэр гарч нэгтгэснээр банкны салбар дахь цорын ганц сургалтын мэргэшсэн байгууллага болсон. Салбарын бодлого болон сургалтын талаар Монголын Банкны Холбоотой нягт хамтран ажилладаг ба 2010-2016 онуудад сургалт болон бусад үйл ажиллагаагаа идэвхитэй явуулж ирлээ.
2017 оны 10-р сарын 1-ээс Банк Санхүүгийн Академи ГҮТББ болж статусаа өөрчилсөн бөгөөд үйл ажиллагааны чиглэл, сургалтууд илүү өргөн цар хүрээтэй зохион байгуулах боломжтой боллоо.
Банк Санхүүгийн Академи нь өөрийн шинэ сургалтын хөтөлбөрүүдийг гарган банк санхүүгийн салбарынханд санал болгохоос гадна олон улсын санхүүгийн салбарын тэргүүлэгч сургалтын байгууллагуудтай хамтран сургалтыг зохион байгуулж олон улсын мэдлэг мэдээллийг тухайн салбарт хүргэн ажиллаж байна.
Удирдах зөвлөлийн дарга:
Л.Амар – Монголын Банкны Холбооны Гүйцэтгэх Захирал бөгөөд Ерөнхий нарийн бичгийн Дарга
Удирдах зөвлөлийн гишүүд:
Хяналтын зөвлөлийн зорилго нь БСА-ийн дотоод дүрэм, журмын хэрэгжилтэнд хяналт тавих, байгууллагын үйл ажиллагаа салбарын холбогдох хууль эрх зүйн баримт бичгүүдтэй нийцтэй байгаа эсэх, байгууллагын хөрөнгө, өр төлбөр, орлого, зарлага, хөтөлбөр арга хэмжээ, хөрөнгө оруулалтад санхүүгийн хяналт шалгалт хийх, зөвлөмж гаргах, эрсдэлийн удирдлагаар хангаж БСА-ийн үйл ажиллагааг сайжруулахад дэмжлэг үзүүлэхэд оршино.
Хяналтын зөвлөлийн гишүүд:
Эрдмийн зөвлөлийн зорилго нь банк санхүүгийн салбарт судалгаа, шинжилгээний ажлуудын чанар, үр өгөөжийг дээшлүүлэх замаар Академийг судалгаанд суурилсан сургалтын байгууллага болоход дэмжлэг үзүүлэх, санхүүгийн салбарын тогтвортой хөгжлийг дэмжих тогтолцоо бүрдүүлэхэд оршино.
Эрдмийн зөвлөлийн гишүүд:
Сургалтын ахлах менежер
Сургалтын менежер
Гадаад харилцаа, сургалтын менежер
Маркетингийн мэргэжилтэн
Маркетингийн зөвлөх
Маркетинг, олон нийтийн харилцааны менежер
Монгол улс, Улаанбаатар хот, СБД, 1-р хороо, Чингисийн өргөн чөлөө-17, Виста оффис, 2-р давхар
Г.Бумчимэг нь 2021 оны 4 сард БСА-ийн гүйцэтгэх захирлаар томилогдсон. Тэрээр Монгол Улсын Их Сургуулийн Эдийн засгийн сургуулийг эдийн засагч мэргэжлээр бакалаврын зэрэг, 2010 онд Их Британи Умард Ирландын Нэгдсэн Хаант Улсын Манчестерийн Их сургуульд эдийн засгийн онолын шинжлэх ухааны магистрын зэрэг тус тус хамгаалсан.
Тэрээр эдийн засгийн судалгаа, эдийн засгийн төсөөлөл, бодлогын шинжилгээний чиглэлээр мэргэшсэн.
Г.Бумчимэг нь Монголбанк, “Монголын Эдийн Засгийн Шинжилгээ Судалгааны Төв” ТББ-д тус чиглэлээр ажиллаж байсан бөгөөд Азийн хөгжлийн банк, Дэлхийн банк, Монгол улсын Сангийн яам зэрэг байгууллагуудад Монгол улсын эдийн засгийн төсөөлөл хийх загваруудыг хөгжүүлэхэд зөвлөхөөр ажилласан туршлагатай.
Б.Ууганхүү нь 2013-2021 онуудад Банк Санхүүгийн Академийн Онлайн сургалтын зохицуулагч, 2021-2022 онд Сургалтын менежер, 2022 оноос Сургалтын ахлах менежерээр ажиллаж байна.
ОХУ-ын Томск хотын Багшийн их сургуулийг Мэдээллийн систем мэргэжлээр төгссөн.
Мэдээллийн аюулгүй байдал, Үр дүнтэй пресентэйшн чиглэлээр сургагч багш.
Хөдөлмөрийн эдийн засагч мэргэжилтэй. Бизнесийн удирдлагын магистр.
2020 оны 9-р сараас БСА-д Сургалтын менежерээр ажиллаж байна. 2006 оноос Банк, санхүүгийн салбарт ажиллаж байгаа бөгөөд Хүний нөөц, Харилцагчийн үйлчилгээ, Мэдээллийн технологийн чиглэлээр ажиллаж байсан туршлагатай.
Сургагч багшаар 10 гаруй жилийн туршлагатай. “Сургагч багшийн сургалт”, “Бичил, жижиг, дунд үйлдвэр, үйлчилгээ эрхлэгчдэд санхүүгийн мэдлэг олгох сургалт”-ын Сургагч багш.
Б.Амина нь Банк Санхүүгийн Академид 2022 оны 3 дугаар сараас эхлэн гадаад харилцаа, сургалтын менежерээр ажиллаж эхэлсэн. Тэрээр ажлын гараагаа гадаад худалдааны чиглэлээр барилгын салбарт ажиллаж эхлүүлсэн.
Б.Амина нь БНХАУ-ын “ZheJiang University”-ийг Олон Улсын Худалдаа, Эдийн Засгийн чиглэлээр төгссөн.
Ч.Сосорбарам нь Банк Санхүүгийн Академид 2021 оны 10 сараас эхлэн ахлах эдийн засагчаар ажиллаж байна.
Тэрээр ажлын гараагаа Санхүүгийн зохицуулах хорооны Судалгааны хэлтсээс эхэлсэн.
Ч.Сосорбарам нь Өмнөд Солонгос улсын Дэгү их сургуульд (Daegu University) эдийн засгийн магистр, МУИС-д эдийн засгийн бакалавр зэргийг хамгаалсан.
Т.Түвшинбаяр нь Тайвань улсын Шинжлэх ухаан технологийн их сургуулийг Санхүүгийн ухааны магистраар төгссөн.
2015-2021 онуудад Монголын эдийн засгийн шинжилгээ судалгааны төвд эдийн засагч, судлаачаар ажилласан.
2022 оны 1 дүгээр сараас эхлэн Банк Санхүүгийн Академид аналистаар ажиллаж байна.
Э.Зориглон нь АНУ-ын Калифорни мужийн Сакраментогийн их сургуулийг Эдийн засагч мэргэжлээр төгссөн.
2023 оны 5 дугаар сараас Банк Санхүүгийн Академид Эдийн засагчаар ажиллаж байна.
Э.Учрал нь 2023 оны 2-р сараас Банк Санхүүгийн Академид маркетингийн ахлах менежерээр ажиллаж байна. Тэрээр Отгонтэнгэр их сургуулийг эрх зүйч мэргэжлээр бакалаврын зэрэг, Худалдаа үйлдвэрлэлийн их сургуулийг Зах зээл судлаач, Бизнесийн удирдлагын магистр зэрэгтэй төгссөн.
Э.Учрал нь 2008 оноос эхлэн Монгол шуудан банканд Картын ажилтан, Маркетингийн ажилтан, Хадгаламж банканд Харилцагчийн үйлчилгээний мэргэжилтэн, Ахлах мэргэжилтэн, Маркетингийн менежер, Төрийн банканд Реклам сурталчилгааны менежер, Маркетингийн идэвхижүүлэлтийн менежер, Маркетингийн ахлах мэргэжилтэн, Капитрон банканд Маркетингийн менежер, Олон нийтийн харилцааны менежер, Маркетингийн ахлах менежерээр ажиллаж байсан туршлагатай. Тэрээр олон нийтийн харилцаа, брэндийн стратеги, реклам сурталчилгаа, контент маркетингийн чиглэлээр мэргэшсэн.
Ш.Орхонбаатар нь Монголын Банкны Холбооны Маркетингийн мэргэжлийн зөвлөлийн дарга бөгөөд 2023 оны 5-р сараас Банк санхүүгийн академид маркетинг болон олон нийтийн санхүүгийн боловсрол олгох төсөл, хөтөлбөрийг дэмжигч, орон тоон бус зөвлөхөөр хамтран ажиллаж байна.
Тэрээр Үндэсний Батлан Хамгаалах Их Сургуулийг эрх зүйч мэргэжлээр бакалаврын зэрэг, ХААИС-Эдийн засгийн сургуулийг бакалаврын зэрэг, магистр зэрэгтэй тус тус төгссөн.
Ш.Орхонбаатар нь 2005 оноос эхлэн Худалдаа хөгжлийн банканд хамгаалагч, хамгаалалтын ажилтан, Хадгаламж банканд Борлуулалт үйлчилгээний мэргэжилтэн, Салбар хариуцсан маркетингийн менежер, Төрийн банканд Маркетингийн менежер, Үйл ажиллагаа хариуцсан маркетингийн менежер, Сурталчилгаа идэвхжүүлэлтийн албаны мэргэжилтнээр ажиллаж байсан туршлагатай. Тэрээр олон нийтийн харилцаа, үйл ажиллагаа, эвэнт зохион байгуулалт, контент маркетингийн чиглэлээр мэргэшсэн.
Б.Нямбаяр нь Монголын Банкны Холбооны Маркетингийн мэргэжлийн гишүүн бөгөөд 2023 оны 10 дугаар сараас Банк санхүүгийн академид маркетинг, олон нийтийн харилцаа хариуцсан орон тооны бус гэрээт менежерээр ажиллаж байна.
Тэрбээр МУИС-ийг Бизнесийн удирдлагын мэргэжлээр бакалаврын зэрэг, Худалдааны менежментийн магистр зэрэгтэй тус тус төгссөн.
Б.Нямбаяр нь 2010 оноос эхлэн Хадгаламж банканд Салбар хариуцсан маркетингийн менежер, Төрийн банканд Маркетингийн менежер, Үндэсний хөрөнгө оруулалтын банканд Маркетингийн менежер, Капитрон банканд Олон нийтийн харилцаа хариуцсан маркетингийн менежер, Ариг банкинд Маркетингийн менежерээр ажиллаж байсан туршлагатай.
Тэрээр сэтгүүл зүй, олон нийтийн харилцаа, дижитал маркетинг, реклам сурталчилгааны чиглэлээр мэргэшсэн.
Э.Энхчимэг нь Банк Санхүүгийн Академид 2022 оны 3 дугаар сараас Төслийн зохицуулагчаар ажиллаж эхэлсэн. Тэрээр ажлын гараагаа Мандал Даатгалаас эхлүүлж “Хүннү Эйр” ХХК, “Эрдэнэс Тавантолгой” ХК-д тус тус ажиллаж байсан.
Э.Энхчимэг нь Швейцар улсын Swiss UMEF University сургуульд Олон улсын харилцаа, дипломат албаны чиглэлээр магистрын зэрэг хамгаалсан.
